Sejarah Kehidupan Wartawan Halak Hita di Riau

Hotmand Simanjuntak

Wartawan, di bahasa batak digoari ma on Parbarita Nauli. Karejona manurat angka na masa jala dibaritahon ma i di surat kabar. Nuaeng on, ndang holan di surat kabar be boi jahaon barita, di internet pe nunga boi.
Haroro ni halak batak tu Riau tarlumobi tu Pekanbaru dimulanai antar taon 1950-an do. Paet do nian dihilala angka donganta na parjolo i. Alai nang pe songon i, lam martamba-tamba do halak hita ro tu luat on sian bona pasogit, ala dibege godang do lowongan parkarejoan, isarana di Caltex.
Asing ni Caltex, tung  mansai godang do parkarejoan ni halak hita. Adong mai na karejo di tombak, di perusahaan swasta, pegawai negeri, tintara, polisi, martiga-tiga dohot angka na asing. Dung pe taon 1972 adong halak hita na gabe Parbarita Nauli alias wartawan, ima amanta Bismark Tampubolon. “Molo so sala au, bulan November taon 1972 do amanta Bismar Tampubolon gabe koresponden Harian Sinar Indonesia Baru Medan”, ninna amanta Hotmand Simanjuntak tingki disungkun Tabloid Horas, Jumat, (12/10).
 Di taon na mangihut pe amanta Hotmand Simanjuntak (Ima nampuna Radio Monaria sisaonari) gabe wartawan. “Maret 1973 pe ahu wartawan di Harian Semangat Kodam III Padang,” ninna amanta Hotmand Simanjuntak.
Dipudi ni i, marroan ma muse halak hita gabe korespenden manang wartawan Harian SIB isarana Mikael Pasaribu, Hasugian, WE Tinambunan, Lupina Sinaga. Alai anggota amanta WE Tinambunan (Soanari nunga Professor amantaon) satongkin do wartawan pintor guru do ibana di Kalam Kudus.
Taon 1978, ro ma amanta Jek Marbun sian Medan mamboan koran Angkatan Bersenjata jala markantor di jalan Juanda Pekanbaru.
Adong muse wartawan na margoar Badogil Simanjuntak (sipil Angkatan Darat), Ramli Lubis wartawan Analisa Medan. Mangihut ma muse Jabonar Sinaga (Mimbar Umum), Saun Ahmad Saragi (SIB) dohot angka na asing.
Holan Persatuan Wartawan Indonesia (PWI) do di tingki i organisasi pers na adong. Maol do dimulanai masuk tusi. “Ahu ma na parjolo halak hita anggota PWI,” ninna amanta Hotmand. Menyusul ma muse Bismark Tampubolon, Jek Marbun dohot angka na asing nai. Taon 1992-1993 tarpillit do amanta Hotmand Simanjuntak gabe Wakil Ketua PWI Cabang Riau. Di masa i Rida K Liamsi do ketua. Sahat tu sadarion tong do pengurus amanta on di PWI Cabang Riau. Nuaeng gabe penasehat na ibana rap dohot amanata Muslim Kawi dohot H Mulyadi. 
Selain aktif di organisasi PWI, Hotmand Simanjuntak hea do 10 taon gabe koordinator wartawan Unit Polda Riau. Bahat do kegiatan na binaeanna, isarana Lomba Karya Tulis, seminar dohot angka na asing na marhadomuan tu karejo ni wartawan.
Najolo, ninna ibana, nunga adong istilah korupsi alai ndang seheboh saonari. Isarana di Dinas Transmigrasi dohot Dinas PU.
Di tingki i mabiar do pejabat Pimpro dohot angka parsimongkel tu wartawan. Alai nang pe songon i, ingkon jolo investigasi do hami tu lapangan baru pe asa konfirmasi jala dibaritahon.
Surat kabar terbitan Jakarta, Medan dohot Padang do na menguasai Riau hatiha i. Nuaeng on pe bahat media cetak terbitan Pekanbaru.
Di taon 1980-1990 an marroan ma muse angka dongan wartawan halak hita tu Riau on. Tu Dumai, tu Batam dohot tu Pekanbaru.
Angka on ma goar-goar ni wartawan halak hita  : Martohap Siregar, Marganti Manalu, Demarsen Sinaga, Jhoni Simatupang, Marasudin Sagala, Maurit Simanungkalit, Jhoni P Marbun, Kombes Marbun dohot angka naasing. Molo dietong, adong do saonari on mar-100 halak wartawan halak hita na bertugas di Pekanbaru on. Molo dietong di Provinsi Riau mar-200 halak.
Nunga bahat sian nasida naung parjolo dialap Tuhanta. Bismark Tampubolon, Jek Marbun, Marganti Manalu, Jhoni simatupang, Marasudin Sagala, Agussalam Marbun, Banjarnahor dohot angka na asing.
Taon 1993, digagasi amanta Jek Marbun do mambaen Perayaan Natal Wartawan di bawah naungan PWI Cabang Riau. Sude do wartawan na beragama Kristen parsidohot di tingki nang pe so sude halak hita anggota PWI. Mulai sian i sahat tu sadarion torus do dibaen Natal Wartawan.
Angka on ma na hea gabe ketua panitia natal wartawan Provinsi Riau. Jek Marbun, Bismark Tampubolon, Hotman Simanjuntak, Demarsen Sinaga, Yanto Budiman Situmeang, Oberlin Marbun, Budiman Pardede, PH Sitompul, David Leo Lase, Jefri Sinaga.
Hotmand Simanjuntak sebagai senior dan sesepuh wartawan di Provinsi Riau mengharapkan agar wartawan halak hita terus belajar dan membaca. Harus mampu mengikuti perkembangan jaman.
Taon 1987, dibuka amanta Hotmand Simanjuntak ma Radio Manaria. Mangihut ma muse Radio Grafa FM taon 1996. Nang pe naung dibuka ibana Ridio, totop do amanta i wartawan di media cetak.
Jala ibana do sebagai Penanggungjawab Radio Mona Ria dohot Radio Graha FM
Hotman Simanjuntak lahir di Sibolga 7 Januari 1951 dan istrinya R br Silitonga.
(red-01)