Oleh : St Denggan Sianturi
Marhite na masa na taida jala naung tapangkilalahon nasaleleng on, dihilala rohanta do naung jong-jong amanta Debata di tonga-tonganta laho mangajari asa unang lupa hita marningot angka basa-basa na i. Asa lam nal-nal hilalaonta di angka pangkophoponna tu hita, boi dope hita marlas ni roha mengkel martata dohot angka donganta jolma saonari. Hape, bahat situtu do donganta apala ditingkion na tumatangis alani angka parsorion nasorop tu nasida. Patut do antong halashononton jala hamauliatehonon habasaron dohot haburjuon ni amanta Debata.
Alai tahe, huhut ma jolo tajaha ima surat ni nabadia si Mateus bindu 7 ayat 1 rodi 2. Songononma hatana : “Unang hamu manguhumi asa unang hona uhum hamu. Ai Panguhumon mi do siuhumhonon tu hamu.Parsuhaton muna i do sisuhathononna tu hamu”
Syalom ma di hita sude!
Marhitehon hata natarsurat nadiginjangi mandungoi haporseaonta, asa ramot laho marningot angka naniulahon ni rohanta, asa songon hita namarningot parniulaan ni tanganta. Andorang so tasimpuli laho manjaha surat nasaotikon, tasungkun ma jolo rohanta dohot hadirionta. Angka aha do naung tasuan tu angka donganta tarlumobi ma tu Tuhanta. Olo dope hita songon halak sigotil monis manang siholit mangging laho maradophon Debata? Hape, tangkas tapangkilalahon do angka basa-basaNa naso hea marnamantak sian parngoluonta tungpehita tong-tong dibagasan ni pardosaon.
Dipasahat do tu hita portibion laho parmianta asa denggan ma nian urusonta. Alai, alani hisapta laho manggomak dohot mangkaol arta portibion, gabe tasegai do nanilehonNai mambahen hita jot-jot dapot “mara bolon”.
Dilehon do di hita hahipason. Ima jolo basa-basa naapala naumporlu diparngoluontaon. Alai olo do hita manumpan sahitta sandiri nagabe marpangkorhon tu harugian. Lapatanna, ditompa Debata do borngin asa modom hita nian ditingki i. Alai, olo do hita lalap mamingkiri arta portibion mangalojai dirinta gabe somodom mambahen hita gabe marsahit. Dibahen Debata do Onom ari natiur asa boi hita markarejo laho mangalului angka pansamotan naporlu diparngoluonta. Alai tumagon do hita mangaarumpi jala angka amanta marnonangi di kode sian apala mangalului pansamotan. Hape, tompuma ro sungkun-sungkun tu hita marhite angka namasa. Ala sompitni pamingkirion dohot haporseaon nasoada, olo do Debata taburai.
Tungsura pe bahat arta pansamotanta, molo holan namarnida do hita nasotupa mandai, ahama labani i? Aut sura dipaloas Debata sibolis i laho mambahen siaginon ni pamatang ta, manang holan soboi pe hita mangkaluari (maaf) dibagasan sabulan, alai torus mangan dohot minum, dihilala roha, aha pe sindorhononta do holan laho menyelamathon hosanta nasaotikon. Alani aha? Ala tung mansai mabiar dope hita laho mandapothon hamatean,
Aut sura ro parsahiton tu hita, dihilala roha pintor hatop do hita paharuar hepengta laho manuhor ubat. Hape nunga sadia talean tu Debata namangalehon hahipason tu hita nasalelengon? Holan alani biarta sotung maon ro angka parjahat laho mandobo hita. Asa sonang hita modom, tagaji do SATPAM sampe mardua juta gajina/bulan. Hape, arian dohot borngin rade do Debata manjaga ngolunta huhut parorot-rorot hita. Hea do tapasahat tu harajaon ni Debata sajuta manang saratus ribu dibagasan sabulan? Aut sura ma dipaloas Debata sibolis parjahati laho manggugai hita ditingki modom tolap do hagogoon ni Satpam natahaporsei i laho paluahon hita sian hagogotan i?
Dilean Tuhanta do di hita mual natio dohot angka parbue ni natasuan tung mansai tabo laho pargogo manguduti parngoluonta siganup ari. Aut sura dietong Debata angka mual natio natapangke i, hali Rp 1000 pe sajeregen, sadia ma pambayaranta di rohamuna di bagasan saminggu? Hape, molo pasahat siluanta pe hita tu harajaon ni Debata olo do hita jumolo mamillit hepeng naummetmet huhut manggopu-gopu hepeng naummetmeti laho durung-durungta. Sasintongna, holan biaya parkir ni kareta natapangke i pe di plataran ni bagas joro i, nunga Rp 1000. Antong aha nama siluanta tu Debata molo holan Tolu ribu do siluanta?
Sai adong do hita jolma molo ditingki ro pangunjunan tu ibana, rade do mambahen padanna tu Debata ingkon pasahatonna satonga sian naniomona molo dung ro tu ibana angka pangomoan. Alai, jumotjot do hita jolma gabe lupa dipadanna jala lolos di janjina holan alani hisap-hisap ni portibi. Unangma laho marningot janji na tu Debata. Mandalani bagas jorona i pe olo nama jumolo manjujur ari asa ro marminggu.
Ima sada sahit ni jolma namangolu. Ima naginoaranna, “sahit lupa”. Lupa di janjina jala lupa dipadanna. Alai, ndang olo lupa di singirna. Naapala naborat situtu diparngoluontaon, ima “lupa mate”. Hinorhon ni nalupa ibana nasa jolma ingkon do mate sibuk i ingkon do malangke, gabe lomo-lomona ma antong mangulahon angka ulaonna jala lomo-lomona ma mangkatahon hatana. Molo diangkola didok ma sifat ni jolma sisongoni, “Langit so matombuk, tano so maringgang ma diibana hasianganon”.
Adong do sada ilustrasi naboi mambukka mata ni haporseaonta asa lam ingot hita dhabasaon ni Amanta Debata. Songononma isina:
Disada huta di sabola Sipirok Tapanuli Selatan, adong ma sada datu namalo situtu. Tarbonggal jala tarbarita do goarna sahat rodidia datu nalumobi. Hinorhon ni hamaloonna, bahat do antong angka jolma naposo ro marguru ilmu tu ibana.
Dinasahali ro ma duapuluh halak nanaeng marguru elmo. Dung mendaftar nasida huhut mangalehen angka kewajibanna tu datu i, marsogotnai, disuru datu i ma nasida asa maroban batu kerekel tu dolok Sibual-buali jala ima dolok natumimbo di luat Sipirok.
Didok datu i ma tu angka siseanna i, “molo natutu do hamu giot mangido partahanan sian au, asa boan hamu ma batu najurgukon sian nasa natolap gogo muna tu dolok Sibual-buali an. Alai, molo dung sahat hamu disi, sotung pintor mulak hamu. Ingkon paimaon muna do ahu anon tungpe sahat tunagolap ari. Nunga dibege hamu?” Ninna ma tu angka siseanna i.
Alani semangat niangka sisean nabaru masuk i, pintor hatop do antong nasida marsi isi batu kerekel nabe tu karung plastikna be.
Alai, nunga sada bangko dijolma namangolu, molo dung lam torop jolma i, torop muse ma nang pangalaho dohot parrohaonna. Diantara ni murid i, adong ma sahalak “namalo sosungkunon, naoto ndang tarajaran”.
Tarida do antong, mulai sian namangisi batu i ibana, nunga marmuningi rohana mandok, “naunik ma datu on. Somalna molo halak namarguru ilmu kekebalan menurut nahuboto ndang manarui batu dibahen karejona. Paling manginum jeruk purut dohot mambondut ragam ni bosi dohot angka nasing namarpardomuan tu naniguruhoni. Sepanjang pengalamanhu ndang adong perguruan nasongonon aturan maenna. Sotung ma nalaho mambangun bagasna ibana haduan di atas ni dolokan. Sotungma hami on dibahen songon amani ogol napalanja-lanja parira, hami madung loja mogol-ogol, hape ibana taboan mangahap daina”. Ima natubu dipingkaranna.
Molo angka murid manang sisean nasebagian nai, ala porsea do nasida dihagogoon dohot hamaloon ni datu i, nunga dao nasida marsituhuk batuna be ala hobas situtu. Sai masijouan do angka jolma sigurbakulu dohot jolma panggasipi molo dung lam torop ruas parpunguani. Lapatanna, pajumpa angka jolma sigotil monis dohot siholit mangging. Jolma si Dursun dohot sigurbak ulu pe adongma disi idaon.
Lapatanna, diantara ni murid naduapulu halak on, adong ma piga-piga halak nasarupa pingkiranna ima nasai olo curiga di parenta ni datu i.
Boi dohonon ndang sian roha ni angka sigurbak ulu manang angka naparpudi borhat ondeng be nakarejo i. pokokna asal ma terdaftar goar ni nasida di parguruani.
Dung di tongan dalan, hinorhon ni pingkiranna nunga diallang rohana, ujungna, gabe tamba ma antong borat ni siboanoni. Ala nunga lamborat, dipambolongkon nasida ma deba batu I di tongan dalan i marserahan.
Asa tangkas antusanta, molo pangalaho ni angka jolma naolo diallang rohana, digoari ma i, “songon sera-sera naolo mangera-era busuk tu naditoruna”. Sai marnanget nanget ma nasida mardalan jala holanna maradian ai nunga tung mansai borat situtu siboanoni ala nunga maralo rohana tu pingkiranna. Ironisna, ala nunga semakin borat dihilala nasida namardalan i, sipata tarpodom ma nasida naopat ditongan dalan i alani losokna.
Hape aut sura tinimbang borat ni batu nabinoan ni nasida i, paling 5 Kg be nasida naopat. Alai, ala ndang dohot be roha laho mangkilalahon siboanoni, naneang i pe olo do gabe borat situtu. Naborat i pe boi do tamba neang molo nunga dohot roha pangkirimon namangulahonsa.
Tangkas taboto do dao ni dolok Sibualbuali tu kota Sipirok, nunga leleng molo ditempuh mardalan pat dibagasan satonga ari manang 6 jam.
Alai, alani nasai lalap do angka sisean sigurbak ulu i marnonangi di tongan dalan sai holan mangkritik peraturan ni datu i, ujungna gabe mareak bot ni ari ma nasida sahat tu pak-pak ni dolok i. Hape batu nabinoanna pe tinggal saotik nama di bagas goni plastikna ai nunga bahat dipambolongkon ditongan dalan.
Menurut biasana, molo angka jolma naso porsaya tu donganna jolma, sian pamerengonna pe boi do tandaon nasogo rohana mida donganna i. Hira songoni ma murid naopat halakon ndang olo mamangkulingi angka donganna saparguruan i ala holan hosom dohot late nama namarula di bagasan rohana. Nadengganpe nunga sala molo di jolma sisongoni, nasalah i pe nunga gabe nadumenggan di ibana.
Sian naso panagaman, Datu inon pe nunga juguk dilambung ni nasida mambahen angka siseanna i gabe heran. Hape mulai berangkat sian huta, tading do datu dibagasna diida angka siseanna i.
Pendek cerita, ro ma datu i mandok tu sude siseanna i, “peakkon hamu ma batu nabinoanmuna i di jolo muna be asa martangiang hita”.
Masipeakkon batu nabinoanna ma antong nasida di jolona be huhut hundul masiadop-adopan. Martangiangma datu i tu Debata.
Songononma tangiangna. “Ale Tuhan Debata, Ho do mandok tu hami naingkon suhat-suhat napinangke namiinon do suhathononmu tu hami, onpe suhathon suhat-suhati tu hami be. Amen!”
Dung sae didok ibana amen, berubah wujud ma batu i gabe angka sipanganon natabo jala marragam massamna sesuai dohot bahat ni batu nabinoanna be
Marlas roha ma antong angka namamboan batu nabahat, ala nunga marmacam-macam angka sipanganon di jolona. Hape di jolo ni naopat halak ima jolma sigurbak ulu i, holan dua be ma di nasida salak namenek. Ipe busuk muse ma i mambahen nasida mangapian jala hondo. Alana, ai holan dua biji do batu namenek nasahat diboan nasida ai nunga dipambolongkon nasida di tongan dalan angka batu nabalga alani naso adong haporseaonna tu datu i.
Mamereng kejadian i, manurut biasana, sai jolma naso marpambahenan do najot-jot mambahen protes diangka parsaoran. Protes ma angka sisean nadapotan dua biji salak nabusuk i. Ninna ma “Guru! Boasa ndang paboaonmu tu hami nansogotan naboi bahenonmu berubah wujud batu on gabe sipanganon. Aut sura dipaboa ho naboi marubah gabe sipanganon, boanongku do bahat jala ndang pambolongkonongku di dalanan nangkaning”.
Roma datu i mangalusi dengan bahasa sangat sederhana, ninna ma. “ima da, holong do roham digogom. Unangma nian rugi ho di roham. Borat do roham mangurupi donganmu jolma. Ai holan namarguru tu pingkiranmu sandiri do ho. Jadi, aha ma nasinuanmu, ingkon ido tapuonmu”.
Dihita bangso ni Debata nahinaholongan ni Tuhanta Jesus Kristus. Sian kejadian i, boi ma tatarik jolo tu pardalan ni pangalahonta dinamandalani pargulmiton ni parngoluontaon hita. Molo lapatan ni datu i, ima hurianta be. Tong-tong do hita mangkirim naingkon pajumpa do hita dohot Debata di bagasan Jorona i setiap ari Minggu. Alai, molo dipangido Tuhanta saotik basa-basa naung pinasahatnai tu hita laho paturehon dohot pabalgahon bagas joro na sipata olo dope hita manjua?
Diangka halak namora di roha, jala namora dipangkirimon, sai mangkirim do ibana tu Debata naingkon ro balos ni pambahenanna nauli i 70X70 lompit alina tu ibana. Molo dihata batak didokma alina i, “sangge ma talina, ingkon pasahaton ni Debata do alina”. Lapatanna, “asa siganda sigandua ma, sitampuk ni singgolom, nasada ma gabe dua, natolu ma gabe onom molo pinasahat sihamauliateon laho paturehon bagas joro”.
Tung sura ma jolo ndang pintor dipasahat Debata tu hita ginsat ni angka naung tapasahat i, pintor mabiar nama hita jala mardandi tu Ibana? Ai holan titipan do sude angka natajalo i. Ndang adong imbar ni hita jolma songon kran ni aek. Holan laho dalan ni aek i do kran i. Ndang nalaho di ibana aek i. Tuangka namangkaporluhon do aek i. Mauliate ma dohononta tu Debata ala pos dope rohana tu hita gabe dibahen hita mamboan angka barang tongosan. Boha muse ma molo ndang dihaporseai be hita gabe panongosanna. Humansit do jolma molo soadongbe namngkaporseai. Mangomo dope hita molo Debata balik mangkaporseai hita nangpe hita hurang mangkaporseai ibana.
Molo lapatan ni batu I, ima angka hepeng dohot angka naasing namarpardomuan tu silehon-lehonta laho pabalgahon harajaon ni Debata dohot angka pangurupionta tu angka nahurangan dipansamotan.
Molo boi siat pangidoan, sai tumagon ma hita mangalean sian apala manjalo. Ai namanamba bohalta do hita diharajaon banua ginjang molo ias rohanta mangalean angka sihamauliateon naung tapasahati. Molo nametmet do tapasahat, nametmet ma antong bohalta haduan. Ai ndang dipaksa Debata hita laho mangalean nabahat ai didok do tu hita, asa boan hamu ma nasa naboi boanonmu. Ai songonna manembakhon batu tu dolok do jolma naporsea molo mangelean tu harajaon ni Debata. Lapatanna, molo tinembakhon batu tu atas ni dolok, pasti ingkon mulak do muse batu i tu hita mamboan angka naasing. Paling tidakna holan batu i pasti do mulak tu hita molo tulus hita manembakhon. Pos rohanta di Debata parholongi, sai na ampehononna do tu hita angka ondeng molo gir-gir hita manjalahi harajaon banua ginjang. Amen!
Alai tahe, huhut ma jolo tajaha ima surat ni nabadia si Mateus bindu 7 ayat 1 rodi 2. Songononma hatana : “Unang hamu manguhumi asa unang hona uhum hamu. Ai Panguhumon mi do siuhumhonon tu hamu.Parsuhaton muna i do sisuhathononna tu hamu”
Syalom ma di hita sude!
Marhitehon hata natarsurat nadiginjangi mandungoi haporseaonta, asa ramot laho marningot angka naniulahon ni rohanta, asa songon hita namarningot parniulaan ni tanganta. Andorang so tasimpuli laho manjaha surat nasaotikon, tasungkun ma jolo rohanta dohot hadirionta. Angka aha do naung tasuan tu angka donganta tarlumobi ma tu Tuhanta. Olo dope hita songon halak sigotil monis manang siholit mangging laho maradophon Debata? Hape, tangkas tapangkilalahon do angka basa-basaNa naso hea marnamantak sian parngoluonta tungpehita tong-tong dibagasan ni pardosaon.
Dipasahat do tu hita portibion laho parmianta asa denggan ma nian urusonta. Alai, alani hisapta laho manggomak dohot mangkaol arta portibion, gabe tasegai do nanilehonNai mambahen hita jot-jot dapot “mara bolon”.
Dilehon do di hita hahipason. Ima jolo basa-basa naapala naumporlu diparngoluontaon. Alai olo do hita manumpan sahitta sandiri nagabe marpangkorhon tu harugian. Lapatanna, ditompa Debata do borngin asa modom hita nian ditingki i. Alai, olo do hita lalap mamingkiri arta portibion mangalojai dirinta gabe somodom mambahen hita gabe marsahit. Dibahen Debata do Onom ari natiur asa boi hita markarejo laho mangalului angka pansamotan naporlu diparngoluonta. Alai tumagon do hita mangaarumpi jala angka amanta marnonangi di kode sian apala mangalului pansamotan. Hape, tompuma ro sungkun-sungkun tu hita marhite angka namasa. Ala sompitni pamingkirion dohot haporseaon nasoada, olo do Debata taburai.
Tungsura pe bahat arta pansamotanta, molo holan namarnida do hita nasotupa mandai, ahama labani i? Aut sura dipaloas Debata sibolis i laho mambahen siaginon ni pamatang ta, manang holan soboi pe hita mangkaluari (maaf) dibagasan sabulan, alai torus mangan dohot minum, dihilala roha, aha pe sindorhononta do holan laho menyelamathon hosanta nasaotikon. Alani aha? Ala tung mansai mabiar dope hita laho mandapothon hamatean,
Aut sura ro parsahiton tu hita, dihilala roha pintor hatop do hita paharuar hepengta laho manuhor ubat. Hape nunga sadia talean tu Debata namangalehon hahipason tu hita nasalelengon? Holan alani biarta sotung maon ro angka parjahat laho mandobo hita. Asa sonang hita modom, tagaji do SATPAM sampe mardua juta gajina/bulan. Hape, arian dohot borngin rade do Debata manjaga ngolunta huhut parorot-rorot hita. Hea do tapasahat tu harajaon ni Debata sajuta manang saratus ribu dibagasan sabulan? Aut sura ma dipaloas Debata sibolis parjahati laho manggugai hita ditingki modom tolap do hagogoon ni Satpam natahaporsei i laho paluahon hita sian hagogotan i?
Dilean Tuhanta do di hita mual natio dohot angka parbue ni natasuan tung mansai tabo laho pargogo manguduti parngoluonta siganup ari. Aut sura dietong Debata angka mual natio natapangke i, hali Rp 1000 pe sajeregen, sadia ma pambayaranta di rohamuna di bagasan saminggu? Hape, molo pasahat siluanta pe hita tu harajaon ni Debata olo do hita jumolo mamillit hepeng naummetmet huhut manggopu-gopu hepeng naummetmeti laho durung-durungta. Sasintongna, holan biaya parkir ni kareta natapangke i pe di plataran ni bagas joro i, nunga Rp 1000. Antong aha nama siluanta tu Debata molo holan Tolu ribu do siluanta?
Sai adong do hita jolma molo ditingki ro pangunjunan tu ibana, rade do mambahen padanna tu Debata ingkon pasahatonna satonga sian naniomona molo dung ro tu ibana angka pangomoan. Alai, jumotjot do hita jolma gabe lupa dipadanna jala lolos di janjina holan alani hisap-hisap ni portibi. Unangma laho marningot janji na tu Debata. Mandalani bagas jorona i pe olo nama jumolo manjujur ari asa ro marminggu.
Ima sada sahit ni jolma namangolu. Ima naginoaranna, “sahit lupa”. Lupa di janjina jala lupa dipadanna. Alai, ndang olo lupa di singirna. Naapala naborat situtu diparngoluontaon, ima “lupa mate”. Hinorhon ni nalupa ibana nasa jolma ingkon do mate sibuk i ingkon do malangke, gabe lomo-lomona ma antong mangulahon angka ulaonna jala lomo-lomona ma mangkatahon hatana. Molo diangkola didok ma sifat ni jolma sisongoni, “Langit so matombuk, tano so maringgang ma diibana hasianganon”.
Adong do sada ilustrasi naboi mambukka mata ni haporseaonta asa lam ingot hita dhabasaon ni Amanta Debata. Songononma isina:
Disada huta di sabola Sipirok Tapanuli Selatan, adong ma sada datu namalo situtu. Tarbonggal jala tarbarita do goarna sahat rodidia datu nalumobi. Hinorhon ni hamaloonna, bahat do antong angka jolma naposo ro marguru ilmu tu ibana.
Dinasahali ro ma duapuluh halak nanaeng marguru elmo. Dung mendaftar nasida huhut mangalehen angka kewajibanna tu datu i, marsogotnai, disuru datu i ma nasida asa maroban batu kerekel tu dolok Sibual-buali jala ima dolok natumimbo di luat Sipirok.
Didok datu i ma tu angka siseanna i, “molo natutu do hamu giot mangido partahanan sian au, asa boan hamu ma batu najurgukon sian nasa natolap gogo muna tu dolok Sibual-buali an. Alai, molo dung sahat hamu disi, sotung pintor mulak hamu. Ingkon paimaon muna do ahu anon tungpe sahat tunagolap ari. Nunga dibege hamu?” Ninna ma tu angka siseanna i.
Alani semangat niangka sisean nabaru masuk i, pintor hatop do antong nasida marsi isi batu kerekel nabe tu karung plastikna be.
Alai, nunga sada bangko dijolma namangolu, molo dung lam torop jolma i, torop muse ma nang pangalaho dohot parrohaonna. Diantara ni murid i, adong ma sahalak “namalo sosungkunon, naoto ndang tarajaran”.
Tarida do antong, mulai sian namangisi batu i ibana, nunga marmuningi rohana mandok, “naunik ma datu on. Somalna molo halak namarguru ilmu kekebalan menurut nahuboto ndang manarui batu dibahen karejona. Paling manginum jeruk purut dohot mambondut ragam ni bosi dohot angka nasing namarpardomuan tu naniguruhoni. Sepanjang pengalamanhu ndang adong perguruan nasongonon aturan maenna. Sotung ma nalaho mambangun bagasna ibana haduan di atas ni dolokan. Sotungma hami on dibahen songon amani ogol napalanja-lanja parira, hami madung loja mogol-ogol, hape ibana taboan mangahap daina”. Ima natubu dipingkaranna.
Molo angka murid manang sisean nasebagian nai, ala porsea do nasida dihagogoon dohot hamaloon ni datu i, nunga dao nasida marsituhuk batuna be ala hobas situtu. Sai masijouan do angka jolma sigurbakulu dohot jolma panggasipi molo dung lam torop ruas parpunguani. Lapatanna, pajumpa angka jolma sigotil monis dohot siholit mangging. Jolma si Dursun dohot sigurbak ulu pe adongma disi idaon.
Lapatanna, diantara ni murid naduapulu halak on, adong ma piga-piga halak nasarupa pingkiranna ima nasai olo curiga di parenta ni datu i.
Boi dohonon ndang sian roha ni angka sigurbak ulu manang angka naparpudi borhat ondeng be nakarejo i. pokokna asal ma terdaftar goar ni nasida di parguruani.
Dung di tongan dalan, hinorhon ni pingkiranna nunga diallang rohana, ujungna, gabe tamba ma antong borat ni siboanoni. Ala nunga lamborat, dipambolongkon nasida ma deba batu I di tongan dalan i marserahan.
Asa tangkas antusanta, molo pangalaho ni angka jolma naolo diallang rohana, digoari ma i, “songon sera-sera naolo mangera-era busuk tu naditoruna”. Sai marnanget nanget ma nasida mardalan jala holanna maradian ai nunga tung mansai borat situtu siboanoni ala nunga maralo rohana tu pingkiranna. Ironisna, ala nunga semakin borat dihilala nasida namardalan i, sipata tarpodom ma nasida naopat ditongan dalan i alani losokna.
Hape aut sura tinimbang borat ni batu nabinoan ni nasida i, paling 5 Kg be nasida naopat. Alai, ala ndang dohot be roha laho mangkilalahon siboanoni, naneang i pe olo do gabe borat situtu. Naborat i pe boi do tamba neang molo nunga dohot roha pangkirimon namangulahonsa.
Tangkas taboto do dao ni dolok Sibualbuali tu kota Sipirok, nunga leleng molo ditempuh mardalan pat dibagasan satonga ari manang 6 jam.
Alai, alani nasai lalap do angka sisean sigurbak ulu i marnonangi di tongan dalan sai holan mangkritik peraturan ni datu i, ujungna gabe mareak bot ni ari ma nasida sahat tu pak-pak ni dolok i. Hape batu nabinoanna pe tinggal saotik nama di bagas goni plastikna ai nunga bahat dipambolongkon ditongan dalan.
Menurut biasana, molo angka jolma naso porsaya tu donganna jolma, sian pamerengonna pe boi do tandaon nasogo rohana mida donganna i. Hira songoni ma murid naopat halakon ndang olo mamangkulingi angka donganna saparguruan i ala holan hosom dohot late nama namarula di bagasan rohana. Nadengganpe nunga sala molo di jolma sisongoni, nasalah i pe nunga gabe nadumenggan di ibana.
Sian naso panagaman, Datu inon pe nunga juguk dilambung ni nasida mambahen angka siseanna i gabe heran. Hape mulai berangkat sian huta, tading do datu dibagasna diida angka siseanna i.
Pendek cerita, ro ma datu i mandok tu sude siseanna i, “peakkon hamu ma batu nabinoanmuna i di jolo muna be asa martangiang hita”.
Masipeakkon batu nabinoanna ma antong nasida di jolona be huhut hundul masiadop-adopan. Martangiangma datu i tu Debata.
Songononma tangiangna. “Ale Tuhan Debata, Ho do mandok tu hami naingkon suhat-suhat napinangke namiinon do suhathononmu tu hami, onpe suhathon suhat-suhati tu hami be. Amen!”
Dung sae didok ibana amen, berubah wujud ma batu i gabe angka sipanganon natabo jala marragam massamna sesuai dohot bahat ni batu nabinoanna be
Marlas roha ma antong angka namamboan batu nabahat, ala nunga marmacam-macam angka sipanganon di jolona. Hape di jolo ni naopat halak ima jolma sigurbak ulu i, holan dua be ma di nasida salak namenek. Ipe busuk muse ma i mambahen nasida mangapian jala hondo. Alana, ai holan dua biji do batu namenek nasahat diboan nasida ai nunga dipambolongkon nasida di tongan dalan angka batu nabalga alani naso adong haporseaonna tu datu i.
Mamereng kejadian i, manurut biasana, sai jolma naso marpambahenan do najot-jot mambahen protes diangka parsaoran. Protes ma angka sisean nadapotan dua biji salak nabusuk i. Ninna ma “Guru! Boasa ndang paboaonmu tu hami nansogotan naboi bahenonmu berubah wujud batu on gabe sipanganon. Aut sura dipaboa ho naboi marubah gabe sipanganon, boanongku do bahat jala ndang pambolongkonongku di dalanan nangkaning”.
Roma datu i mangalusi dengan bahasa sangat sederhana, ninna ma. “ima da, holong do roham digogom. Unangma nian rugi ho di roham. Borat do roham mangurupi donganmu jolma. Ai holan namarguru tu pingkiranmu sandiri do ho. Jadi, aha ma nasinuanmu, ingkon ido tapuonmu”.
Dihita bangso ni Debata nahinaholongan ni Tuhanta Jesus Kristus. Sian kejadian i, boi ma tatarik jolo tu pardalan ni pangalahonta dinamandalani pargulmiton ni parngoluontaon hita. Molo lapatan ni datu i, ima hurianta be. Tong-tong do hita mangkirim naingkon pajumpa do hita dohot Debata di bagasan Jorona i setiap ari Minggu. Alai, molo dipangido Tuhanta saotik basa-basa naung pinasahatnai tu hita laho paturehon dohot pabalgahon bagas joro na sipata olo dope hita manjua?
Diangka halak namora di roha, jala namora dipangkirimon, sai mangkirim do ibana tu Debata naingkon ro balos ni pambahenanna nauli i 70X70 lompit alina tu ibana. Molo dihata batak didokma alina i, “sangge ma talina, ingkon pasahaton ni Debata do alina”. Lapatanna, “asa siganda sigandua ma, sitampuk ni singgolom, nasada ma gabe dua, natolu ma gabe onom molo pinasahat sihamauliateon laho paturehon bagas joro”.
Tung sura ma jolo ndang pintor dipasahat Debata tu hita ginsat ni angka naung tapasahat i, pintor mabiar nama hita jala mardandi tu Ibana? Ai holan titipan do sude angka natajalo i. Ndang adong imbar ni hita jolma songon kran ni aek. Holan laho dalan ni aek i do kran i. Ndang nalaho di ibana aek i. Tuangka namangkaporluhon do aek i. Mauliate ma dohononta tu Debata ala pos dope rohana tu hita gabe dibahen hita mamboan angka barang tongosan. Boha muse ma molo ndang dihaporseai be hita gabe panongosanna. Humansit do jolma molo soadongbe namngkaporseai. Mangomo dope hita molo Debata balik mangkaporseai hita nangpe hita hurang mangkaporseai ibana.
Molo lapatan ni batu I, ima angka hepeng dohot angka naasing namarpardomuan tu silehon-lehonta laho pabalgahon harajaon ni Debata dohot angka pangurupionta tu angka nahurangan dipansamotan.
Molo boi siat pangidoan, sai tumagon ma hita mangalean sian apala manjalo. Ai namanamba bohalta do hita diharajaon banua ginjang molo ias rohanta mangalean angka sihamauliateon naung tapasahati. Molo nametmet do tapasahat, nametmet ma antong bohalta haduan. Ai ndang dipaksa Debata hita laho mangalean nabahat ai didok do tu hita, asa boan hamu ma nasa naboi boanonmu. Ai songonna manembakhon batu tu dolok do jolma naporsea molo mangelean tu harajaon ni Debata. Lapatanna, molo tinembakhon batu tu atas ni dolok, pasti ingkon mulak do muse batu i tu hita mamboan angka naasing. Paling tidakna holan batu i pasti do mulak tu hita molo tulus hita manembakhon. Pos rohanta di Debata parholongi, sai na ampehononna do tu hita angka ondeng molo gir-gir hita manjalahi harajaon banua ginjang. Amen!
Tidak ada komentar:
Posting Komentar