TAHUN I | edisi 03 | 05 - 18 Nov 2012
Sinurat ni Amanta : Arip Rimpuan Sianturi, Wartawan Tabloid Horas
Sungkun-sungkun do ra rohanta, aha do lapatan ni hata “Tolu Gabe Sada”. Molo tatilik sian haugamoon, dohononta ma ra “Tri Tunggal”. Molo tabereng sian adat habatahon, tadok ma ra “Dalihan Na Tolu”.
Ndang apala i lapatan ni pandohan on, alai molo tapadomu-domu, boi do i gabe sarupa lapatan na.
Di huta Muara Fajar Rumbai, adong tolu punguan parsahutaon ni hakak hita. Naparjolo digoari ma i Punguan Parsahutaon Dos Roha, napaduahon Punguan Parsahutaon Harapan Maju, jala patoluhon ima Punguan Parsahutaon Sauduran.
Najolo, ditingki otik dope halak hita di luat Muara Fajar, holan sada do Punguan Parsahutaon. Alai di tingki na parpudi on, ala nunga lam bahat halak hita marroan tu luat on, gabe dibagi tolu punguan parsahutaon. Godang ni anggota na tolu parsahutaon on hurang lobi 300 kepala keluarga.
Alai nang pe tolu parsahutaon, di angka ulaon siganup ari isarana pamuli boru manang pangolihon anak dohot diulaon habot ni roha, tetap do sada jala sada nasida mangadopi.
Boi dohonon, nang pe naung gabe tolu parsahutaon nasida, tetap do nasida sisada boru sisada anak, sisada ulaon di las ni roha dohot ulaon habot ni roha. Boi dohonan ma nasida “Sada Gabe Tolu, Tolu Gabe Sada”.
Hasadaon ni halak hita na adong di Muara Fajar, boi do on gabe sada tiruan di angka halak hita na adong diluat parserahan on.
Molo adong sada ulaon di parsahutaon na sada, isarana pangoli anak, diontang do parsahutaon na dua nari. Jala maracara do nasida disi jala sude panumpahi. Suang songon i na pamuli boru, sude do mangulosi. Jala adong do panggoraon disi.
Suang songon i do nang diulaon habot ni roha. totop do tarida parsahutaon na tolu i.
Ulaon hasadaon on tarida maon di halak batak toba. Harana punguan ni donganta halak Nias adong do tersendiri, suang songon i donganta na sian Selatan dohot Tanah Karo. Ipe mardalan do dohot denggan.
Nang pe pada umumna karejo ni halak hita Marpinahan diluat on, alai parsaoranna tu dongan suku na asing tung mansai denggan do.
Ndang apala haru adong parbada-badaan dohot pargunturon di luat on sahat ro di sadari on.
Torop do nang gareja jonjong di huta on, alai ndang adong na manggunturi. Sai anggiat ma hasadaon on lam tu dengganna tujoloan on. Horas ma. *)
Ndang apala i lapatan ni pandohan on, alai molo tapadomu-domu, boi do i gabe sarupa lapatan na.
Di huta Muara Fajar Rumbai, adong tolu punguan parsahutaon ni hakak hita. Naparjolo digoari ma i Punguan Parsahutaon Dos Roha, napaduahon Punguan Parsahutaon Harapan Maju, jala patoluhon ima Punguan Parsahutaon Sauduran.
Najolo, ditingki otik dope halak hita di luat Muara Fajar, holan sada do Punguan Parsahutaon. Alai di tingki na parpudi on, ala nunga lam bahat halak hita marroan tu luat on, gabe dibagi tolu punguan parsahutaon. Godang ni anggota na tolu parsahutaon on hurang lobi 300 kepala keluarga.
Alai nang pe tolu parsahutaon, di angka ulaon siganup ari isarana pamuli boru manang pangolihon anak dohot diulaon habot ni roha, tetap do sada jala sada nasida mangadopi.
Boi dohonon, nang pe naung gabe tolu parsahutaon nasida, tetap do nasida sisada boru sisada anak, sisada ulaon di las ni roha dohot ulaon habot ni roha. Boi dohonan ma nasida “Sada Gabe Tolu, Tolu Gabe Sada”.
Hasadaon ni halak hita na adong di Muara Fajar, boi do on gabe sada tiruan di angka halak hita na adong diluat parserahan on.
Molo adong sada ulaon di parsahutaon na sada, isarana pangoli anak, diontang do parsahutaon na dua nari. Jala maracara do nasida disi jala sude panumpahi. Suang songon i na pamuli boru, sude do mangulosi. Jala adong do panggoraon disi.
Suang songon i do nang diulaon habot ni roha. totop do tarida parsahutaon na tolu i.
Ulaon hasadaon on tarida maon di halak batak toba. Harana punguan ni donganta halak Nias adong do tersendiri, suang songon i donganta na sian Selatan dohot Tanah Karo. Ipe mardalan do dohot denggan.
Nang pe pada umumna karejo ni halak hita Marpinahan diluat on, alai parsaoranna tu dongan suku na asing tung mansai denggan do.
Ndang apala haru adong parbada-badaan dohot pargunturon di luat on sahat ro di sadari on.
Torop do nang gareja jonjong di huta on, alai ndang adong na manggunturi. Sai anggiat ma hasadaon on lam tu dengganna tujoloan on. Horas ma. *)
Tidak ada komentar:
Posting Komentar